Në një intervistë për emisionin “Me Zemër të Hapur”, ajo ka folur për dhimbjen që po kalon familja dhe mungesën e çdo reagimi njerëzor nga prindërit e autorit të krimit.
“Jo, nuk kanë tentuar të na kontaktojnë. Asnjë reagim. Ne kemi humbur dritën e syve, sensin e jetës. Po mësohemi me dhimbjen. Çdo buzëqeshje e imja është buzëqeshje me dhimbje”, u shpreh Cani, duke theksuar se përballë një tragjedie të tillë, është zhdukur çdo ndjenjë e humanizmit nga pala tjetër.
Ajo shtoi se në vend të prindërve të autorit, do të kishte kërkuar falje menjëherë: “Do kisha marrë burrin, djalin dhe do shkoja. Do kërkoja falje. Do t’i thosha: ‘Jam këtu, ndodhi, dhe ju kërkoj falje.’”
Pyetje: A kanë pasur komunikim prindërit e autorit me ju?
Florina Cani: Jo, as nuk kanë tentuar dhe sido që të silleshim ne, se ne kemi humbur dritën e syve, ne kemi humbur sensin e jetës. Po mësohemi me dhimbjen. Çdo buzëqeshje e ime është buzëqeshje me dhimbje. Këtu ka humbur sensi njerëzor. Kur njëra palë reflekton dhe tjetra jo, ai fëmijën e ka në jetë, ne nuk e kemi. Ai duhet të ishte i pari që të reagonte dhe të bashkohej me dhimbjen tonë. Gjerat mund të ishin ndryshe, por kështu ne ja lëmë drejtësisë. Dhe duam dënimin maksimal.
Pyetje: Nëse do të ishit ju në vendin e tyre, cfarë do të bëni si prindër?
Florina Cani: Unë do kisha marrë burrin, djalin dhe do shkoja, Ne po jetojmë në një botë te rrëmujshme. Do të kërkoja falje. Do kisha shkuar për ti thënë jam këtu, ndodhi dhe ju kërkoj falje.
Pyetje: Jeni përplasur në sallat e gjyqit me prindërit e djalit që kreu krimin?
Florina Cani: Po jemi përballur, po shkëmbime fjalësh nuk kemi p atur. Sepse ne kemi avokatin. U bënë 2-3 që nuk shkoj, nuk i përballoj dot seancat gjyqësore.
Pyetje: Çfarë bëtë kur morët vesh për videon?
Florina Cani: Emocione shumë të forta. Nuk e pashë dot videon. U ndjeva shumë keq dhe nuk arrita ta shoh deri në fund.
