Shqipëria po lakohet çdo ditë e më shumë në debatet e politikës së brendshme në Britaninë e Madhe ku po shtohet presioni për daljen nga Bashkimi Evropian. Ata që janë pro daljes nga unioni, po gjejnë argumenta të ndryshëm ku nuk mund të mungonte edhe bërja politikë me vendet që aspirojnë të integrohen. Një prej tyre është edhe Shqipëria.
Pasi ëhstë përmendur si vend i korruptuar që nuk mund të ishte në një union me Britaninë, tashmë ky vend refuzon edhe ndihmat për Shqipërinë në drejtim të luftës kundër korrupsionit.
Bashkimi Evropian ka një program ndihmash prej 10 miliardë paundësh për Turqinë e Shqipërinë deri në vitin 2020. Për Britaninë parashikohet të alokojë 1.2 miliardë nga kjo shumë, gjë e cila kundërshtohet nga ana e kryeministrit David Cameroon. Ai shprehet pro mbështetjes për Shqipërinë, por jo me ndihma financiare. Kjo duket të jetë edhe një prej arsyeve pse po kërkohët një referendum për daljen nga BE. Një zëdhënës i Cameroon tha se kryeministri është kundër dhënies së fondeve për vende që sipas tij nuk dinë ti menaxhojnë.
