Dinjitozë, impresivë, por jo edhe që bien në sy, adhuruesit e ngjyrës së zezë dëshirojnë të tregohen misteriozë, por po ashtu mund të tregojnë në ndrydhje të dëshirave dhe të synimeve, çka tregon për dëshira të mëdha të brendshme të fshehura thellë. E zeza është autoritare dhe e fuqishme, sepse mund të nxisë emocione të forta.
Prestigji dhe fuqia janë të rëndësishme për adhuruesit e kësaj ngjyre. Ata janë të pavarur, me vullnet të fortë dhe të vendosur të kontrollojnë veten dhe situatën.
Mund të jenë konservatorë dhe konvencionalë. Janë shumë besnikë, të përkushtuar në marrëdhëniet e tyre dhe veçanërisht të disiplinuar në arritjen e qëllimeve.
Adhuruesit e së zezës kohë pas kohe mund të duken si joemocionalë, si dhe sikur tërësisht e kontrollojnë situatën. Por nganjëherë në fakt ndihen shumë të pasigurt. I mbajnë njerëzit larg nga intimiteti i tyre duke krijuar barrierë mes vetes dhe njerëzve të tjerë. Kujdesen për detaje dhe verifikojnë gjithçka deri në detajin e fundit. Ata janë intensivë dhe të drejtpërdrejtë, rrallë bëjnë shaka apo tregojnë lojë. Në psikologji e zeza paraqet mbrojtjen nga streset e jashtme emocionale, fuqi dhe kontroll. Krijon barrierë mes vetes dhe botës së jashtme. Në atë mënyrë mbron emocionet e veta, fsheh të metat, pasiguritë dhe dobësitë nga të tjerët. E zeza është e frikshme, armiqësore dhe e paarritshme për shkak të forcës të cilën e rrezaton. Ajo mund të pengojë komunikimin në dy drejtime për shkak të fuqisë së vet të frikësimit. E zeza nënkupton vetëkontroll dhe disiplinë, pavarësi dhe vullnet të fortë, jep përshtypjen e autoritetit dhe pushtetit.
E zeza thith energjinë negative. Njerëzit të cilët pëlqejnë ngjyrën e zezë mund të jenë konvencionalë, konservatorë dhe seriozë. E zeza shpesh përjetohet si ngjyrë e sofisticitetit. Shpesh zgjedhim të zezën nëse dëshirojmë të lëmë përshtypjen e elegancës, sofisticitetit dhe besimit. E zeza është e lidhur me joshjen, si femrat joshëse me të brendshme të zeza të cilat krijojnë përshtypjen e misterit dhe intrigës. E zeza është fundi, por fundi gjithmonë nënkupton një fillim të ri. Kur paraqitet drita, e zeza bëhet e bardhë, ngjyra e fillimeve të reja.
Adoleshentët shpesh kanë nevojë psikologjike të veshin të zezën në fazën kalimtare nga fëmijëria e pafajshme tek sofisiticiteti i personit të rritur. Ajo shënon fundin e një pjesë të jetës dhe fillimin e tjetrës, duke u lejuar të fshihen nga bota, derisa ta zbulojnë identitetin e tyre unik.
Për së tepërmi zi mund të shkaktojë depresion, ndryshime të disponimit dhe të krijojë ambient negativ.
