Pak para nisjes së Kuvendit, PS do të mbledhë grupin e saj parlamentar në të njëjtën orë kur PD-LSI kanë vendosur të zhvillojnë një protestë para Kuvendit, për të kundërshtuar largimin e Prokurorit të Përgjithshëm Adriatik Llalla, të cilit i ka mbaruar mandati kushtetues për kryeprokuror, si dhe për të mos lejuar zbatimin e ligjit për zgjedhjen e një Kryeprokurori të Përkohshëm. Në qendër të mbledhjes së grupit parlamentar socialist janë punimet sot të Kuvendit, si dhe zgjedhja e Kryprokurorit të Përkohoshëm. Për këtë post në garë janë 3 kandidatura. Protesta e PD- LSI më shumë se kundër mazhorancës adresohet kundër Uashingtonit dhe Brukselit, të cilët kërkojnë zbatimin e ligjit për zgjedhjen e Prokurorit të Përkohshëm. Për disa ditë me rradhë krerët më të lartë të PD- LSI janë përfshirë në akuza kundër zyrtarëve më të lartë të Uashingtonit dhe Brukselit, duke i etiketuar ata si të korruptuar, të blerë më para droge dhe pijanecë.
ma.me/javanews.al
