Ylli Manjani i ka dalë sërish në krah të ish kryeministrit Sali Berisha pas protestës së dhunshme të këtij të fundit për të marrë selinë e Partisë Demokratike.
Ish ministri i Drejtësisë i bën thirrje prokurorisë që të marrë Lulzim Bashën të pandehur.
“Nëse në selinë e PD ka vërtetë prokurorë që po bëjnë kqyrje, u kërkoj të fiksojë me kujdes dhe profesionalizëm çdo gjë.
Veçanërisht kush hodhi gaz?
I ç’natyre ishte ai gaz, helmues apo lotsjellës?
Kush dhunoi kë?
Kush janë personat që ishin prezentë në seli, përtej dyerve të blinduara?
Kur ndërhyri policia dhe me urdhër të kujt?
Nëse prokuroria do ta bëjë këtë punë e ka mundësinë ta bëjë tamam. Ta rrethojë atë godinë/skenë krimi dhe ta kqyrë tamam.
Prokuroria e Tiranës duhet të jetë edhe më e motivuar ta mbërdhejë të pandehurin kronik Lulzim Xhelal Basha, që gjithmonë ka shpëtuar me procedurë të stisur.
Sot ai është i zënë në flagrancë brenda skenës së krimit që kreu me gjakftohtësi.
Nëse ju shpëton edhe këtë herë, lëreni atë punë më mirë!”, shkruan Manjani./m.j
