Arben Hajdari, njëri prej të ndaluarve nga policia për trazirat e ushtruara gjatë protestës së Partisë Demokratike, deklaroi për mediat se ndaj tij është ushtruar dhunë prej forcave të policisë.
Duke folur për mediet nga dritarja e qelisë së Komisariatit nr.1, ku mbahet prej më shumë se 20 orësh, Hajdari pretendon se nuk ka asnjë provë ndaj tij për ushtrim dhune gjatë protestës së opozitës.
Lajmi raportohet nga ‘Top Channel’, qe siton Hajdarin të thotë se ka protestuar paqësisht dhe se po mbahet me pa të drejtë dhe tregoi disa shenja dhune në kokë, që shton se i ka marrë nga goditjet e policisë në Kamëz.
Dy mbështetësve të opozitës, Arben Hajdarit dhe Andi Kukës u është njoftuar masa e arrestit dhe pritet që të enjten të dalin para gjykatës për caktimin e masës së sigurisë, ndërkohë që i ndaluari më herët me mbiemër Vlati është la qelitë e Komisariatit nr.1 në orët e mbrëmjes.
Të ndaluarit i vizituan përfaqësues dhe drejtues të lartë të Partisë Demokratike. Sekretari i Përgjithshëm i demokratëve, Arben Ristani tha për mediat se kjo është shenjë e arrogancës së qeverisë. Ai konfirmoi pretendimet e të ndaluarve se ndaj tyre është ushtruar dhunë.
“Kjo lloj sjelljeje nuk do të tolerohet nga ne. Partia Demokratike do të mbrojë me çdo mjet mbështetësit e vet”, tha Ristani.
