I ftuar në emisionin ‘Kontrast’ të Report TV, ish-ministri Sandër Lleshaj tha se krizës ndërkombëtare që ka prekur edhe Shqipërinë nuk i duhet mbivendosur një krizë e dytë, e brendshme. Lleshaj u shpreh se kostot që prodhon kriza nuk mund të shkarkohen në supet e një shtrese të vetme të shoqërisë ndaj të gjithë duhet të përgatiten për të humbur diçka nga ‘portofoli’ i tyre.
“Nuk duhet të lejohet të mbivendoset një krizë e dytë. Sepse nëse krizës ndërkombëtare i mbivendoset një krizë e brendshme, pasojat do të ishin shkatërruese. Ekonomia që kemi përqafuar në vitet `90 nuk është ajo e Adam Smithit, por e një shteti sociale. Nuk kemi kërkuar një ekonomi tregu të egër dhe për të mbrojtur të dobëtit janë krijuar mekanizmat sociale.
Është në rëndësi të madhe që para se ta ngresh turmën përballë policisë, të merren masa për të ndaluar një krizë të dytë. Kosto që prodhon kriza ndërkombëtare nuk mund të shkarkohen në supet e një shtrese të caktuar. Duhet të humbim të gjithë në proporcion, edhe të pasurit, edhe të varfërit, edhe qeveria e të tjerë. Pra kërkohet një paketë e madhe masash” – tha Lleshaj për Report TV.
Në lidhje me nismën e Kryeministrit Edi Rama, për të ngritur Bordin e Administrimit sa i përket çmimeve të karburanteve, Lleshaj u shpreh:
“Komiteti është një hap i duhur, por duhet një plan i madh. Kryeministri me të drejtë thotë jemi në luftë. Vërtetë s’jemi në vijën e parë të frontit, por jemi në luftë. Në kushtet e luftës gëlojnë spekulantët që duan ta shumëfishojnë pasurinë dhe historia e ka provuar këtë”.
Ish-ministri i Brendshëm theksoi se nuk përjashtohet mundësia që protesta të tilla të përdoren nga palë të treta si forcat politike etj. Lleshaj tha se nëse krizës i mbivendoset fatura, kosto do të bëhet e papërballueshme.
“Është e drejtë e patjetërsueshme e qytetarëve që të protestojnë kur mendojnë se standardi i tyre cenohet. Unë shoh që në protestë ka një brendi, por nuk përjashtohet që këtyre protestave u bashkangjiten interesa të treta.
Në një kohë që skena i duhet lënë Putinit në aventurën e tij, kjo hapësirë e lajmeve të zëvendësohet me këto protesta, nuk është gjë e mirë. Formula e vetme për mua në këtë situatë është që të gjithë të humbin diçka. Sepse po u mbivendos fatura do të bëhet e papërballueshme”./m.j
Jo,z Lleshi.Si mbrohet një pensionist me 9500 lekë nga qeveria që unë e kam votuar.Kam punuar 39 vite në arsim,në Mirditë ❤️ dhe Tiranë dhe më mbushen sytë me lot kur marr pensionin që është më i mirë se i 75% i pensionistëve të tjerë
Mos lavdëroni kot,por hajde ti zgjidhim çështjete gjak të ftohtë,më argumentet tona.Vetëm kështu do të ecim përpara.Kapitalisti shqiptar është i tmerrshëm.Ngaqë s,ka pasur më parë të merr shpirtin,të shfrytëzon,skllavërinë dhe tëç,nderon e shpërfytyron.