Policia e Uashington DC thotë se katër persona kanë vdekur gjatë sulmit në ndërtesën e Capitolit.
Përveç gruas së qëlluar nga policia, tre të tjerë vdiqën si rezultat i “urgjencave mjekësore”.
Deri më tani, më shumë se 52 persona janë arrestuar.
Zyrtarët e policisë thanë se gruaja që u qëllua ishte pjesë e një grupi individësh të shumtë që hynë në dhomën e senatit.
Ata u përballën me oficerët e policisë dhe njëri prej tyre qëlloi mbi të.
Gruaja u dërgua në spital dhe u shpall e vdekur. Ende nuk është bërë i ditur identiteti i saj.
Ndërsa tre viktimat e tjera ishin një grua dhe dy burra.
Të paktën 14 anëtarë të departamentit të policisë u plagosën. Dy u dërguan në spital, njëri me plagë të rënda pasi u tërhoq nga turma.
g.kosovari
