Pavarësisht protestës së paralajmëruar nga Sali Berisha, kryeministri Edi Rama thotë se nuk do të ketë incidente.
Ai tha se protesta e 6 dhjetorit i ngjan ahengut në filmin ‘Koncert në vitin 1936’.
Rama shtoi se Berisha i ngjan Nuri Beut të interpretuar nga aktori i madh, Albert Verria.
“S’besoj që do të kemi incidente. Samiti ka kohë që organizohet dhe përfshin shumë institucione.
Perimetri i sigurisë të samiteve nuk negociohet. Ndodh që forca të caktuara, organizata e grupimeve që janë kundër samiteve të bëjnë protesta. Nuk ndodh dhe nuk ka se si të bëhen protesta pro samiteve, por kundër. Ato zhvillohen jashtë perimetreve të sigurisë në të gjitha rastet e vendet. Se shoh si cështje midis PS, qeverisë dhe një pjese të ahstu quajturës opozitë.
Duan vetëm të tregojnë se mblidhet gjithë BE në një narko shtet. Njollosje, siguria e Samitit nuk negociohet me askënd.
Në fund mund të kemi një Konvcert në vitin 36 ku në vend të të ndjerit Albert Verria të jetë një tjetër i lënë nga mendja. Por janë marrë të gjitha masat. Nuk mendoj se individët e tjerë do të shkojnë në këtë qorrsokak ku ka pasoja ligjore shumë të qarta. Mund të protestojnë çdo ditë, apo po atë ditë por pak më tutje”, tha Rama.
/a.r
