Një sulm i paprecedentë ka ndodhur sot nga turmat ndaj Kongresit amerikan Capitol Hill, gjatë protestave në mbështetje të presidentit aktual Donald Trump.
Protestuesit me flamurët blu pro-Trump hynë gjithashtu me forcë në Dhomën e Senatit, ndërsa senatorët shiheshin që dilnin në panik të shoqëruar nga rojet e sigurisë.
Policia është duke përdorur gaz lotsjellës brenda ambjenteve të Kongresit ndaj protestuesve të dhunshëm, të cilët godisnin dyert e Dhomës së Përfaqësuesve, ndërsa mediat raportonin për të shtëna armësh rreth ndërtesës.
Zv. presidenti aktual Mike Pence, kryetar i Senatit, dhe Kryetarja e Dhomës së Përfaqësuesve, Nancy Pelosi, u larguan nga ambjentet nga grupet e sigurisë.
Protestuesit kishin mbushur sallën e hyrjes së Kongresit në kupolën e Capitol, e cila është e mbushur me pikturat më simbolike të kombit.
Presidenti Trump i ka bërë thirrje mbështetësve të ruajnë qetësinë, edhe pse më herët i kishte nxitur të marshonin drejt Capitol, ku ligjbërësit po çertifikonin votat elektorale për rivalin e tij./a.p
