Protesta e opozitës, Rama: Janë bashkuar kundër drejtësisë, do e fitojmë betejën

Forumi Rinor Eurosocialist i Shqipërisë FRESSH feston sot 26-vjetorin e krijimit të tij.

Në fjalën e tij, kryeministri deklaroi se PS është e ndarë nga partitë e kazanit dhe tepsisë.

Kryeministri foli edhe për një betejë të re, duke iu referuar protestes se opozites.

“Kemi një betejë për të fituar përballë gjithë pjesës tjetër të politikës, përballë atyre që janë bashkuar për të penguar drejtësinë për të bërë drejtësi“, tha Rama

Rama foli edhe për hapjen e negociatave, duke shtuar se BE është stacioni historik i shqiptarëve

“Jemi në një moment historik. Hapja e negociatave është një moment që nuk mund të shtyhet më. Hapja e negociatave, BE stacioni historik i shqiptarëve.Të dalësh sot si barrikadë do të thotë të jesh qorr, shurrsh dhe i padobishëm për interesat e shqiptarëve.

Shqiptarët nuk kanë shqetësimin se kush do shkojë para drejtësisë nga ata qe janë në skenën politike, apo ata që sot udhëheqin opozitën shqiptarët, shqiptarët kanë shqetësimin se kur Shqipëria do të jetë pjesë e Europës së bashkuar, që të mos kemi më damkën e të mbeturit jashtë saj kur jemi mu në zemër të vetë Europës.

Me çizme, me taka, me këpucë, pa këpucë, vetëm një gjë kanë bërë, na kanë penguar dhe cënuar në këto 6 muaj bllokimin e integrimit, deklaroi Rama”

Rama deklaroi se pa PS-në në pushtet nuk do kishte sot gjuhë të zyrtarizuar me ligj në Maqedoni.

“PS është e vetmja parti polike që nuk e ka tradhtuar kurrë interesin kombëtar të Shqipërisë. Kjo parti nuk ka lëvizur kurrë nga boshti i interesit kombëtar dhe nuk do të lëvizë asnjë fije. Ata që qeverisnin para nesh e mbyllën sqepin para gjithë fqinjëve. Ne duam zero probleme, por duke i zgjidhur ato, pa cënuar interesat. Pa këtë parti nuk do kishte sot, gjuhë shqipe të zyrtarizuar në ligj në Maqedoni””

Kryeministri foli edhe për marrëdhëniet me Greqinë

“Marrëdhëniet me Greqinë do i çojmë në një nivel të ri, ku të dyja palët janë në tavolinë si fqinj që respektojnë të drejtën për të qenë të barabartë. Ne duam zero probleme, por që të kemi zero probleme duhet të zgjidhim të gjitha problemet. Ka lloj lloj karnakarësh të politikës së mbledhur tek ajo firma e “Ç Ç” Cadra e Cizmeve që thonë se në jemi shkaktarët për prishjen e marredhënieve me grekët.”, deklaroi Rama

Referuar platformës së bashkëqeverisjes, Rama deklaroi se bashkëqeverisja me qytetarët po jep rezultate.

“Kemi larguar nga puna dhe çuar para drejtësisë 35 punonjës hipotekash. Mund t’ia dalim vetëm duke dëgjuar qytetarët”

javanews.al/a.ç