Protesta, Berisha nxit dhunë: Të marshojmë drejt Surrelit! Rama meriton fatin e Gaddafit! Të na bashkohet çdo parti opozitare

Sali Berisha ka dalë para protestuesve të mbledhur në shesh, dhe u ka bërë thirrje që kjo protestë të vazhdojë deri në rrëzimin e Edi Ramës.

Si Lulzim Basha dikur, Berisha tha se Edi Rama nga sot nuk eshte me kryeminister.

“Në 10 vitet e fundit të këtij regjimi, shqiptarët janë pakësuar më shumë se nga çdo epidemi, nga çdo zi buke dhe çdo gjë tjetër. Shqiptarët në 10 vitet e këtij regjimi kanë shkuar 100 vite pas për lindshmërinë e tyre. Sot ata kanë humbur mbi gjysmën e rinisë së vet, kanë humbur të ardhmen dhe çdo vit bëhen gjithnjë e më pak.

Ne mblidhemi në një moment kritik, ndoshta si kurrë më parë, sepse Edi Rama pasi shndërroi zgjedhjet në farsë elektorale, del se ka vendosur të bëhet multimiliarderë më paratë tuaja. Ai ka vendosur veten mbi ligjin, kushtetutën, mbi çdo pushtet dhe na thotë nga Surreli se ‘unë ju u shumëzoj me zero’.

Edi Rama hidhi sytë këtij bulevardi, nga sot ti kurrë nuk do njihesh më në Shqipëri dhe në botë si kryeministër, por si kapobandë’, tha Berisha.

Ai shtoi se Rama nuk rrezohet me vote. Sipas Berishes, Edi Rames do t’i rezervojne fatin e Idi Aminit dhe Gaddaffit.

“Do marshojmë drejt Surrelit. Nga sot të shpallim luftë. Të kujtojmë 20 shkurtin kur nga një autoblind përfundove në bunkerët e Enver Hoxhës. Perfitoj nga ky shesh t’i them cdo partie opozitare te na bashkohet. Thirrje intelektualeve, te heqin mantelin e konformizmit. Fermeret te shohin fqinjet e tyre dhe te ngrihen ne protesta. Te shpetojme sa me shpejt nga ky regjim” – tha Berisha.