Në Romë edhe prostitutat janë përshtatur me urgjencën e koronavirusit. Shumë prej tyre nuk pranojnë më të takohen me klientë nëse nuk i masin temperaturën.
Edhe ky sektor i paligjshëm është prekur nga kriza e koronavirusit dhe të ardhurat nuk janë më të njëjta. Edhe pse ky sektor vazhdon të ecë përpara, vështirësitë janë të mëdha, raporton notizie.it.
Kriza në botën e prostitucionit konfirmohet gjithashtu nga Lory në një intervistë për Il Tempo, 31-vjeçarja që punon prej vitesh në tregun e prostitucionit: “Unë praktikisht pushova së punuari. Nëse më parë kisha më shumë se 5 takime në ditë tani rrallë shikoj një person në ditë”. Për të mbrojtur dhe qetësuar klientët, Lory ka vendosur të marrë masa: “Në hyrje i bëj një kontroll për temperaturën. Secili bën si mundet. Nëse prostitucioni nuk legalizohet, nuk ka rregulla për mbrojtjen e shëndetit.”
g.kosovari
