Parashikimi i një profesori grek ka shkaktuar “dhimbje koke” në radhët e popullsisë në Greqi në lidhje me situatën e pandemisë në muaj në vazhdim.
Domsthenes Sarigiannis, profesor i Inxhinierisë Mjedisore ka deklaruar se në fund të muajit varianti Delta do të jetë përhapur akoma më shumë. Ai thotë se sa më shumë teste të kryhen në vend aq më shumë raste do të identifikohen pozitivë me COVID.
“Ne vlerësojmë se më 15 gusht, me numrin e lartë të testeve që po kryhen aktualisht në vend, rastet ditore do të arrijnë në 6,400. Për sa kohë që ne bëjmë teste të dyfishta, do të zbulohen rreth dy herë më shumë raste. Modeli llogarit shpërndarjen totale në komunitet dhe jo ato të zbuluara “, shpjegon ai.
Megjithatë ai thekson se temperaturat e larta për momentin po pengojnë shpërndarjen e virusit por shton se nëse do kishim një lirim të masave si tani në muajin nëntor numri i rasteve do të rritej “raketë”.
“Temperatura ndihmon, por edhe sa ndihmon, nuk është e mundur të mbështetesh vetëm në këto kushte dhe të presësh që ata të “ngadalësojnë” situatën. Në pranverë unë kisha thënë që Delta do të ishte një problem për ne që nga gushti, megjithatë erdhi në vend më herët nga qershori. Po prisja rezultatet e saj pak më vonë ”, thotë profesori.
Ai bën thirrje për rritje të numrit të vaksinimeve për të pasur nën kontroll situatën.‘Nëse situata përkeqësohet në Kretë, atëherë për të ndaluar shfaqjen e rasteve, do t’ju duhet të bëni një bllokim në të gjithë ishullin, madje edhe për një muaj”./m.j
