Gjykata Kushtetuese shfuqizon disa nene të ligjit për ndryshimet në procedurat tatimore.
Vendimi i Kushtetueses erdhi pas kërkesës së depozituar nga Shoqata për Mbrojtjen e Tregtarëve dhe të Tregut, ky Gjykata ka pranuar pjesërisht kërkesën.
Objekti i kërkesës ishte “Shfuqizimi i neneve 5, 7, 11, 13, 14, 15, 16, 17, 18, 19 dhe 20 të ligjit nr.99/2015 “Për disa ndryshime në ligjin nr.9920, datë 19.05.2008 “Për procedurat tatimore në Republikën e Shqipërisë”, të ndryshuar”, si të papajtueshme me Kushtetutën e Republikës së Shqipërisë. Pezullimi i zbatimit të ligjit deri në hyrjen në fuqi të vendimit të Gjykatës Kushtetuese”.
Nga 11 nene të kërkuara për shfuqizim, Kushtetuesja ka shfuqizuar plotësisht 4 nene dhe 3 të tjera pjesërisht.
“Gjykata Kushtetuese, pasi analizoi pretendimet e ngritura nga kërkuesja, si dhe prapësimet e paraqitura nga subjekti i interesuar, Këshilli i Ministrave, bazuar në nenet 131/a dhe 134/f të Kushtetutës së Republikës së Shqipërisë, si dhe në ligjin nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, vendosi pranimin pjesërisht të kërkesës si dhe shfuqizimin e neneve 5, 14, 15, 16/4, 17/1, 17/2, 18/ 2 dhe 20 të ligjit nr.99/2015 “Për disa ndryshime në ligjin nr.9920, datë 19.05.2008 “Për procedurat tatimore në Republikën e Shqipërisë”, të ndryshuar”.
