Lufta është e pashmangshme në botën e bandave japoneze, pasi Yamaguchi-gumi, konglomerati më i madh i Yakuza, ka pësuar një ndarje.
Autoritetet në Japoni janë në pritje të shpërthimit të dhunës së përgjakshme, pasi që banda po shtohet me 43% të anëtarëve të saj.
Shkak i kësaj ndarje thuhet se janë dallimet në besnikërinë ndaj bosit 73-vjeçar të bandës, Shinobu Tsukasa, i cili u bë udhëheqësi më i fuqishëm i krimit në vend në vitin 2005.
Raportet tregojnë se ai i ka zemëruar disa nga anëtarët e kësaj bande, duke iu dhënë trajtim preferencial degëve të caktuara, dhe gjithashtu për shkak të ambicieve të tij për t’u zgjeruar në territore të reja.
Tsukasa, emri i të cilit është Kenichi Shinoda, është gjenerata e gjashtë ‘don’ e kësaj bande. Dymbëdhjetë prej më shumë se 30 grupeve kanë kërcënuar se do të largohen dhe do të formojnë bandën e tyre, thuhet sipas burimeve të Japan Times brenda policisë.
Kjo e ka vendosur policinë në një gjendje gatishmërie shumë të lartë, pasi banda që është 100 vjet e vjetër, është një organizatë mjaft e madhe. Kjo bandë numëron rreth 10,300 anëtarë dhe ndikimi i saj ndjehet kudo.
Ymaguchi-gumi është gjithashtu shumë i pasur, që raportohet se pasuria e tij ka arritur në 80 miliardë dollarë, duke e bërë kështu bandën më të vlefshmen në botë.
https://www.youtube.com/watch?v=bs3nhxAP9Zo
