Prindërit e Jonida Canakut, vajza që mbeti e vrarë nga biznesmeni 38 vite më i madh në moshë, Sokrat Shani, rrëfyen sot në emisionin ‘Me Zemër të Hapur,’ versionin e tyre të historisë.
Familja Çanaku thekson se në muajin Maj, i përzunë vajzes të dashurin e moshuar sepse, ‘u bë bezdisës duke ardhur kohë e pa kohë në shtëpinë e tyre në Lushnje. Familja rrëfen detaje sesi Jonida u njoh me Sokratin, marrdhënia e tyre si dhe ndryshimet që pësoi vajza pas lidhjes dashurore me burrin më të madh në moshë. Sipa familjes, Sokrati ishte një burrë xheloz dhe kontrollues.
Jonida Canaku 29 vjec nga Krutje e Lushnjes u vra në muajin Gusht ne nje apartament ne Golem ndersa i dyshuar kryesor sipas policise eshte, i dashuri Sokrat Shani 65 vjec, i cili u vetëvra duke lënë dhe letër lamtumire ku shpjegonte krimin e kryer.
Sipas babait të Jonidës, Sefedin Çanaku, vajza e tyre ishte e çiltër, por ndryshoi tërësisht gjatë lidhjes me Sokratin. Nata e 13 Gushtit, ishte e fundit kur ata si prindër u përshëndetën me Jonidën e tyre.
“Jonida, vajza jonë ishte e çiltër, pa pretendime, e qeshur, e dashur me shoqërinë. Punonte, gjatë lidhje së vite e gjysmë që pati me të dashurin e saj ishte e qetë. Në ditët e fundit lëviznin lirisht. Vajza na merrte në telefon. Paraditen e asaj dite ishin në plazh në Levan, dhe në 14 gusht do të shkonin në Golem. Ata bënin ditë të veçanta plazh. 13 gushti ishte nata e fundit që doli nga shtëpia për të mos u kthyer më”.
Por më e gjatë në rrëfim ishte Vasilika Çanaku, nëna e Jonidës. Moderatorja Evis Ahmeti ngacmoi vazhdimisht ciftin Çanaku me pyetje.
“Ne i kemi thënë Jonidës, që ky ka problemet e veta, të ndajë gruan, pastaj ajo bëri cfarë deshi vetë, me kokën e saj”.
Si u njoh Jonida me Sokratin?
Në vitin 2013, ka qenë fushata për zgjedhjet dhe vinin nëpër fshatra dhe këta venin sic venin të gjithë rinia, aty si u njohën e qysh nuk e dimë. Erdhi në shtëpi dhe per 6 muaj se me cilin fliste në telefon. Unë e pyeta, i thashë, nuk më tregoi gjë.
Po cfarë ju tha?
Pastaj më tregoi se kam gjetur një burrë, po më tha ka qenë i martuar, është biznesmen i madh. ‘Ashtu janë të ndarë, divorc me ligj nuk kanë bërë, 20 vjet të ndarë’, na tha Jonida. Ne e pranuam ta sillte në shtëpi, t’a njihnim. Moshën nuk na e tregoi.
Erdhi në shtëpinë tuaj Sokrati?
Erdhi një darkë, Sokrati i ndjeri dhe e pashë që në dritare, nuk durova t’a shihja që nga dera. I thashë burrit, ‘ua po ky qenka më i madh se ti, si e pranoi këtë lloj njeriu kjo e jona’? I thashë, ‘ky nuk bën për ty, është i madh’. Por nuk na dëgjoi.
E donte Jonida, Sokratin? Si ju dukej juve…
Sa e ka dashur këtë Sokratin, as ish të fejuarin nuk e ka dashur kurrë.
Afrimiteti që kishte me Sokratin nuk e di si t’ja vë emrin.
Flitej për para, por ne as para nuk pamë. Ne jemi si i thonë asaj, as të varfër shumë, as të lartë shumë. Jemi familje e mesme. Kemi çunin në Greqi, që 20 vjec.
I jepte lekë Sokrati Jonidës?
Vajza ime nuk kishte 5 lekë në portofol. Dhe kur e gjetën pa jetë, asnjë lek në portofol nuk kishte.
Para se të ndodhte ngjarja kishte ndryshuar Jonida shumë?
Jonida ishte vajzë e zgjuar. Nuk studionte, as shkollën e mesme nuk e ka kryer, sepse Divjaka ishte larg, nuk kishte kush ta çonte e kush ta merrte. Kohët e fundit u mbyll fare. Pas lidhjes me këtë Sokratin u mbyll, duke pyetur atë; ‘Të vete deri në dyqan?’ Nuk na pëlqente fare kjo gjë. I thashë; “U mbylle për së gjalli”.
Ju bezdiste mosha e Sokratit?
Ndërhyn babai: Po
Nëna: Për moshën nuk është se u duk shumë keq, na u duk mirë.
Po mentaliteti i zonës…
Na vret shumë dhe jemi fshat. Na ka vrarë shumë, nuk dilja deri te porta, rëndë na vinte. Kohët e fundit, sikur ia parandjente, 1-2 muaj para se të ndodhte kjo, thoshte; “I thuaj babit, mos të më bezdisë me fjalë se nuk dua të dëgjoj më”.
Se burri ia thoshte troç që, ‘nuk ta duam’.
(Babai i Jonidës ndërhyn): Po ia thoja, unë ia thoja gjithmonë
Vijon Vasilika: E përzumë ne në muajin maj, takoje ku të duash në shtëpinë tonë mos e bjer.
“Pse ca halli ke?”, më thoshte Jonida. Unë i thashë, merr shtëpi me qera, u thashë. Shkoni jetoni bashkë.
Nderhyn babai i Jonides: Po vija ne shtepi, kohe e pa kohe e gjeja aty, bezdi. Te rronin me vete, jo ne shtepi tone.
Po bashkëshortja e Sokratit cfarë thoshte gjatë gjithë kësaj kohe?
Bashkëshorten e Sokratit e takuam ne. Na erdhi vetë që në vitin e parë të lidhjes së Jonidës me Sokratin. Na erdhi në shtëpi e na tha; “Jam gruaja e filanit. Është burri im, kam mbiemrin e tij, kur të më ndajë ai, atëhere merre”.
Jonida i tha; “Shko kërkoi llogari burrit tënd, jo mua”.
Që vitin e parë Jonida nuk hoqi dorë, dhe 2 vite të tjera shkoi me Sokratin dhe nuk u shkëput.
Vasilika rrëfen se i vështirë ishte momenti kur mësoi se Jonida ishte vrarë.
“Nga një kushëriri ynë e morëm vesh, se policia vinte pyeste, ku është Jonida. I thoja, ka ikur me Sokratin, ku dinim ne gjë cfarë kishte ndodhur. Vinte polici i parë, pyeste, ku është Jonida. Furgon policie jashtë shtëpisë, i thoja, pse për cfarë e doni, ka vrarë njeri Jonida? Polici i dytë, vjen më vonë, pyet ku është Sokrati, dini gjë? Njëri polic thoshte, a nuk vdiq ai? I dyti përgjigjej, ohu vdiq ai vdiq. Por nga darka, një kushëri, kishte marrë djalin, kishte parë lajmet në News24, thotë Jonida ka vdekur, te shpia në Golem, e kanë vrarë. Aty vumë kujën”.
Ne foto; Sokrat e Joninda
Ngjarja ne Gusht
Në 15 Gusht të këtij viti, në një apartament në Golem të Kavajës, u gjet e vrarë 27-vjeçarja Jonida Canaku. Ndërsa Sokrat Shani, u vetëvra në Lushnje. Sokrat Shani është vetëvrarë, pasi ka pranuar krimin e vrasjes së 27-vjeçares, duke lënë tre letra të shkruara, si provën më të fortë materiale per Prokurorine e Lushnjes. Jonida u gjet e lidhur me litar dhe ne trup kishte shenja te dukshme dhune.
Ne foto; Trupi i pajete i Jonides
Burime zyrtare nga grupi hetimor, bëjnë me dije se vajza është dhunuar dhe torturuar para se të jepte shpirt, në dhomën e gjumit të apartamentit të motrës së autorit, në Golem. Siç tregojnë këto foto, vajza është gjetur lakuriq, e shtrirë në krevatin dopio, lidhur me fasheta në pjesën e këmbëve dhe në duar.
Vërehen shenja të dukshme hematomash të shkaktuara nga goditjet, kryesisht në pjesën e kraharorit, ku në shpatullën e majtë dëmtimi është më i theksuar.
Në kokë 65-vjeçari i kishte vendosur në formë laku, një spango ngjyrë të verdhë, me të cilën e ka shtrënguar nga pjesa poshtë mjekrës, deri në pjesën e sipërme të kokës, që të mos rënkonte nga dhimbjet.
Sipas mjekëve ligjorë, dyshohet se viktima pasi është lidhur dhe i është vënë spango në fyt është goditur sërish nga ana e 65-vjeçarit, duke e torturuar. Ajo ndërroi jetë pas gjakderdhjes, nga tortura dhe dhuna./news24/a.k
