300 mijë rasate të krapit u hodhën këtë të mërkurë në liqenin e Prespës në vijim të nismës së Ministrisë së Bujqësisë së dhe Zhvillimit Rural për pasurimin e liqeneve.
Duke e konsideruar si një shembull të menaxhimit nga organizata e peshkatarëve, Çuçi shprehet se shtimi i rasatit në liqenin e Prespës do tu vijë në ndihmë peshkatarëve.
“Sot jemi në liqenin e Prespës ku do të hedhim rreth 300 mijë rasate të krapit, i cili është një krap specifik për ujërat e këtij liqeni. Ky rasat është përgatitur në qendrën që ne kemi këtu. Kjo është një sasi e konsiderueshme për liqenin. Rasati këtu është më i rritur sepse ka nevojë të jetë më i formuar.
Besoj se me këtë sasi kemi një pasurim të konsiderueshëm të liqenit. Kjo është një ndihmesë shumë e madhe për peshkatarët. Liqeni i Prespës është model përsa i përket menaxhimit nga Organizata e Peshkatarëve. Nuk ka pothuajse fare gjueti të paligjshme të peshkut”, deklaroi Çuçi.
Sipas peshkatarëve, në Prespë gjatë këtij viti janë peshkuar rreth 100 kuintal.
Më herët Çuçi ishte i edhe në liqenin e Ohrit dhe të Fierzës ku shtoi rasatin e koranit dhe të krapit.
g.kosovari
