Artan Kutra, gazetar në Francë komentoi në një intervistë për Euronews Albania deklaratën e presidentit të Francës, Emmanuel Macron për pezullimin e vizave për Kosovës.
Sipas tij, Macron u tregua më i ashpër më Serbinë se me Kosovën.
“Më e fortë është ndaj Serbisë se i drejtohet së pari presidentit serb kur thotë kërkoj më tepër seriozitet. Edhe Von der Leyen edhe Charles Michel i kanë kërkuar Serbisë të zhvillojë hetime dhe ndoshta duke pritur rezultatin e këtyre hetimeve mund të shprehen për sanksione ndaj Serbisë.
Evropa dhe Macron presin hetimet për të thënë më tej fjalën e tyre ndaj Serbisë. Përballë liderëve të Kosovës është një kërkesë me nuanca politike, pra nuk është një detyrim ligjor që është më e fortë ndaj Vuçiç.
Është një thirrje politike për t’u ulur në bisedë me palën serbe dhe prej këtej do të marrë rrugë e ardhmja e Kosovës”, tha gazetari./m.j
