Situata në kufirin ruso-ukrainas është në kolaps të plotë , me datën e një pushtimi të mundshëm rus që thuhet të jetë brenda pak ditësh. Presidenti i Ukrainës, Volodymyr Zelensky, në një fjalim televiziv theksoi se ishte informuar për një sulm nga Moska në 48 orët e ardhshme, pra të mërkurën, me 16 shkurt.
Më herët, Shtetet e Bashkuara lëshuan alarmin për një pushtim brenda pak ditësh, duke parë rritjen alarmante të forcave ruse në kufirin me Ukrainën. Fuqitë perëndimore kanë furnizuar rregullisht Ukrainën me armë ditët e fundit.
Deklaratat e Zelenskit janë të habitshme, duke pasur parasysh se ai ka shmangur përmendjen e mundësisë së luftës në ditët e mëparshme, nga frika se ekonomia e vendit të tij mund të përkeqësohet më tej.
E mërkura është cituar nga CIA si dita kur do të shpërthej një sulm rus në Ukrainë. Në fjalën e tij, presidenti ukrainas thekson se në vend, në këtë ditë, himni kombëtar do të luhet kudo nga mëngjesi, ndërsa flamuri do të varet në ndërtesat kryesore .
Uashingtoni ka vendosur të zhvendosë ambasadën amerikane në Ukrainë nga Kievi në Lviv në perëndim të vendit për shkak të “përshpejtimit dramatik” të zhvillimit të forcave ushtarake ruse në kufi, njoftoi sot kreu i diplomacisë amerikane. Pentagoni akuzon Rusinë për grumbullimin e 100,000 trupave në kufirin me Ukrainën.
“Po kërcënohemi me luftë të madhe dhe data e pushtimit ushtarak është shfaqur. Kjo nuk është hera e parë. Shteti ynë është sot më i fuqishëm se kurrë më parë. Duam paqe dhe duam të zgjedhim të gjitha çështjet ekskluzivisht përmes negociatave”, tha ndër tjera Zelensky.
/bh
