Nga 14 persona që Presidenti i Kosovës i fali, 10 prej tyre kanë qenë të dënuar për vrasje.
KALLXO.com ka siguruar raportin e Komisionit për Shqyrtimin dhe Vlerësimin e Kërkesave për Falje të cilët i rekomanduan për falje 14 të burgosur që po vuanin dënimin në Burgun e Dubravës.
Në dekretin e publikuar më 10 prill, Presidenti sipas rekomandimit të Komisionit për Shqyrtimin e Kërkesave për Falje kishte shpallur faljen për këta të burgosur.
Në listën e 14 të falurve, 10 prej tyre janë të dënuar për vrasje dhe vepra të tjera ndërsa katër të dënuarit e tjerë janë shpallur fajtorë për veprat Lëndim i rëndë trupor me pasojë vdekje, Vjedhje e rëndë, Vjedhje e pyllit dhe Pengim i personit zyrtar dhe vrasje në tentativë. (b.an)
