Presidenti i Malit të Zi, Filip Vujanoviç ka uruar sot për detyrën e tij të re, Ilir Metën, i cili u zgjodh dje në krye të shtetit shqiptar.
Vujanoviç thekson se zgjedhja e Metës në krye të Presidencës, forcon stabilitetin dhe bashkëpunimin në rajon.
“Jam i bindur se zgjedhja juaj është në interesin më të mirë të Shqipërisë dhe forcimit të stabilitetit dhe bashkëpunimit në rajon. Shfrytëzoj rastin të shpreh respektin për marrëdhëniet përmbajtësore të Malit të Zi dhe Shqipërisë. Bashkëpunimi jonë, gjithmonë në rritje, bazohet në miqësinë tradicionale dhe interesin e përbashkët për përparimin e shteteve tona dhe arritjen e prosperitetit të qytetarëve tanë. Në këtë frymë, dëshiroj të njoftoj gatishmërinë personale për përkushtimin e forcimit të lidhjeve mes shteteve tona, bashkëpunimit në kuadër të NATO-s dhe përshpejtimin e integrimit evropian”, tha Vujanoviç. /b.d
