Natë ferri në Paris, të paktën 60 të vdekur e dhjetëra të plagosur pas atentateve terroriste të koordinuara me automatikë dhe eksplozivë.
Veç të vdekurve, lajmet nga kryeqyteti francez bëjnë të ditur se ka edhe 100 pengje në duart e terroristëve, në një lokal.
Televizionet franceze po flasin per nje tjeter shkembim zjarri ne zhvillim e siper (ora 23.44) prane qendres Zhorzh Pompidu.
Ne nje dalje ne keto minuta, presidenti Hollande sapo njoftoi shpalljen e gjendjes se emergjences ne te gjithe territorin dhe mbylljen e kufinjve shteterore. Ai tha se Franca e di se nga kane ardhur sulmet e fundit terroriste.
Atentati i parë ka ndodhur në rrugën Bichat, në një restorant, pranë redaksisë së revistës Charlie Hebdo, ku një person ka hapur zjarr me Kallashnikov.
Atentati i dytë ishte në një lokal nate, me emrin Le Bataclan, ku gjithashtu ka disa viktima.
Shpërthime eksplozivi janë dëgjuar edhe pranë stadiumit Stade de France, ku po luhet miqësorja Francë-Gjermani. Presidenti François Hollande është larguar menjëherë nga stadiumi nga ana e forcave të sigurisë, por ndeshja vazhdo deri në fund.
Mësohet se shpërthimet e eksplozivëve pranë stadiumit kanë qenë nga atentatorë vetëvrasës.
Një dëshmitar anglez, Ben Grant, tha se ai ishte në një bar me gruan kur nisën të shtënat dhe pa 6- trupa përtokë. Ai tha për BBC: “Dëgjova se zjarri u hap nga njerëz në makina. Ka shumë të vdekur, është vërtet e tmerrshme. U bllokuam në bar, sepse ishte një pirg me trupa para nesh”.
