Donald Trump ka reaguar pas përfundimit të bisedimeve SHBA Ukrainë në Arabinë Saudite, bisedime të cilat rezultuan të suksesshme siç deklaruan të dy palët.
Trump ka thënë se SHBA-të do të takohen me Rusinë shumë shpejt.
Sakaq, Presidenti amerikan konfirmoi se do të ftonte Volodymyr Zelenskyy përsëri në Shtëpinë e Bardhë, duke shtuar: “Ne duam ta mbyllim luftën në Ukrainë”.
Sipas asaj që raporton agjencia Bloomberg, Trump ka deklaruar: “Tani duhet të flasim me Rusinë, shpresojmë që Putini të pajtohet me planin për një muaj armëpushim në Ukrainë”, duke njofruar se do të flasë me liderin e Kremlinit, Vladimir Putin, “këtë javë”, me shpresën për të arritur një “armëpushim të plotë në ditët në vijim”.
“Për të kërcyer tangon duhen dy veta”, ka theksuar Trump.
