Një shqiptar është arrestuar në Bergamo pasi akuzohet bashkë më një tjetër për shfrytëzim prostitucioni dhe dhunë ndaj dy adoleshentëve, që i kishin blerë e më pas i kishin torturuar duke i detyruar të bëheshin prostituta për llogari të tyre. Historia është e gjatë dhe nis që në vitin 2005, por së fundi policia italiane ka njoftuar arrestimin e tyre.
Mediat italiane raporojnë se në pranga janë vënë shqiptarët Samuel Kola, 32-vjeç. Ndërkohë që bashkëpunëtori i tij Arthur Sulejmani ishte arrestuar më parë. Ata kishin blerë dy adoleshente rumune, 15 dhe 16 vjecare për 1 mijë euro. Vajzat, të cilave u thuhen vetëm inicialet L dhe A, ishin mashtruar se do të punësoheshin në piceri, por shumë shpjet zbuluan se kishin rënë në kurth.
Pas mbërritjes dhe takimit me shqiptarët nis edhe kalvari i mundimeve për to. Që nga ai moment fillon dhuna, rrahjet, lidhjet, keqtrajtimet dhe detyrimi për seks me klientë edhe të moshuar. L dhe A. u rrahën, të ndara, u përdhunuan dhe u detyruan të prostituonin në Palazzaccio Via Cattaneo ose rreth San Pellegrino Viterbo. Ato pranonin me dhjetëra klientë në ditë dhe të gjitha paratë u shkonin shqiptarëve. Vajzat u liruan pas një fushate të policisë në atë zonë dhe u dërguan fillimisht në shtëpi të kujdesit.
Gjykata e Apelit për Krimet e Rënda në Romë, 11 maj, 2016, përmbys gjykimin e shkallës së parë. Kërkoi tetë vjet për Samuel Kola dhe Artur Sulejmani, “Rrëmbyesit” e vajzave dhe menaxherëve të tyre, ndërkohë që ata më herët ishin dënuar me 11 vjet burg. Një ditë më parë policia arrestoi Kolën, që ishte dënuar në mungesë.
ma.me
