Pas disa kohësh nën vëzhgimin e policisë italiane, dy shqiptarë janë vënë në pranga në Darfo Boario, nën akuzën e trafikimit të kokainës.
Mediat fqinje shkruajnë se shqiptarët e arrestuar janë një 36-vjeçar, me profesion marangoz, që banonte në Angolo Terme dhe një 39-vjeçar, banues në Piancogno.
Pas kontrollit në makinën e shqiptarëve, që ishte në pronësi të 39-vjeçarit policia gjeti dhe sekuestroi 30 doza kokainë dhe 500 euro para kesh.
Më pas në kontrollin ushtruar në shtëpitë e tyre u sekuestruan edhe 5 mijë euro, që dyshohen se janë fitime nga trafikimi i drogës.
Raportohet se për 36-vjeçarin autoritetet kanë dhënë masën e sigurisë “arrest shtëpie”, ndërsa 39-vjeçari u dërgua në burg./l.m