MTK Budapest është një nga mitet e futbollit hungarez, me 23 fitore të kampionatit, finaliste e Kupës së Kupave në vitet ‘60. Ekipi i kryeqytetit ka ende shumë fansa, edhe pse tashmë gjendet në Ligën e Dytë të atij vendi.
Një ri prej tyre është vogëlushi 7-vjeçar Enok Varga, i cili nuk humbet asnjë ndeshje. Këtë javë, i pranishëm në stadium për ndeshjen kundër Diosyor, atij iu bë dhurata më e bukur e mundshme për ditëlindje, mundësia e të shënuarit një gol në fushën e blertë ndaj kundërshtarëve.
Një gjest i bukur i dy ekipeve, me fëmijën entuziast që merr topi nga kapiteni i ekipit dhe i drejtohet portës gati për të ngritur duart në qiell.
Por i vogli nuk kishte llogaritur zemrën prej akulli të Zsombor Senko. Portieri i Diosyor, me një të kaluar tek të rinjtë e Juventusit, në vend që të recitonte si kolegët e tij, priti gjuajtjen me përthyerjen e këmbës që ka bërë të njohur në botë Manuel Neuer.
Tifozët në tribuna nuk i besojnë sytë, por fillojnë të irritohen dhe të fishkëllejnë në drejtim të tij kur djaloshi, pa humbur shpresat, rimorri topin duke gjuajtur edhe njëherë. Por më kot, sërish Senko ia pret gjuajtjen, sikur sfida ndaj Enokut të ishte misioni i jetës.
Një sjellje që pezmatoi vogëlushin, por irritoi edhe idhujt e tij të MTK Budapest, të cilët patën një kënaqësi të veçantë në të shënuarin 4 herë gjatë ndeshjes ndaj “fenomenit” Senko, i cili trofeun e portierit më pa zemër në botë që ka siguruar me gjestin e tij, do ta ketë ndoshta trofeun e fundit të fituar në karrierë.
/a.r
