Popullariteti i presidentit francez, Emmanuel Macron, për shkak të çështjes Benalla ka arritur nivelin më të ulët që prej muajit shtator 2017, pa përfituar asgjë nga efekti i Kupës së Botës në Futboll.
Sipas sondazhit të publikuar nga “Ipsos”, të realizuar për “Le Point”, dy ditë pas zbulimit të kësaj çështjeje nga e përditshmja “Le Monde”, Emmanuel Macron ka humbur katër pikë të duke arritur në 32%, nivel që nuk ishte arritur që prej shtatorit 2017, pas një periudhe të shënuar nga një reformë delikate për të drejtën e punës, transmeton atsh.
Ai arriti në të njëjtën kohë 60% të mendimeve në disfavor të tij (+1 pikë), një rekord i uljes së popullaritetit, sipas komunikatës nga instituti i sondazhit, 10 ditë pas fitores të ekipit të Francës në Botërorin 2018, që mendohej se do të ishte në favor të tij. (b.an)
