Policia turke ka arrestuar një agjent me origjinë serbe nën dyshimet së si spiun i huaj po mbledh të dhëna inteligjente në Suruk të Turqisë, raportojnë mediet vendase. Sipas medieve turke, përfshirë edhe raportimin e të përditshmes “Sabah”, të bazuar në deklaratat e Policisë,transmeton kp, një agjent serb dhe britanik janë arrestuar derisa ishin paraqitur si gazetarë të huaj. Arrestimet janë kryer të hënën në dy aksione të ndara në Suruk. Disa nga mediet raportuan se arrestimet u kryen afër zonës ku operon Partia e Punëtorëve të Kurdistanit. Dy të arrestuarit janë dërguar për t’u marrë në pyetje në stacionin e policisë në Dijarbakir.
Policia turke pretendon ta ketë arrestuar një agjent serb
