Përgjatë fundjavës, shërbimet e Policisë Rrugore të Tiranës janë të angazhuar për sigurimin e rrjedhshmërisë së trafikut dhe parandalimin e ngjarjeve rrugore në rrugën Interurbane kryesore Tiranë-Durrës dhe anasjelltas, nuk mungojnë monitorimet në rrugët kryesore urbane të kryeqytetit ku rritet shpejtësia e lëvizjes dhe njëkohësisht rreziku për tu përfshirë në aksidente rrugore është më i lartë, për shkak të lehtësimit të trafikut dhe “nxitimit” pa motiv, të drejtuesëve të mjeteve për të kaluar semaforin sa më parë edhe kur ky i fundit është me dritë të kuqe, njofton Policia.
“Në një orë monitorim konstatohen dhe ndëshkohen 16 drejtues mjetesh për shkelje semafori”, thuhet më tej në një njoftim të Policisë, që bën një apel edhe për drejtuesit e automjeteve:
“Tregoni kujdes respekto semaforin, mos përdor celularin gjatë drejtimit të mjetit, jepi përparësi këmbësorëve dhe biçiklisteve, respekto rregullat e qarkullimit rrugor dhe ndiq këshillat e efektiveve të policisë për të përfunduar udhëtimin tuaj i qetë dhe i sigurt.
Fundjava nuk mbaron me një ditë, shumë të tjera të presin nëse ti barazon kënaqësinë me normat e sjelljes”./a.m.
