Efektivët e drejtorisë për Hetimin dhe Trafikimin e qënieve njerëzore në Kosovë, kanë realizuar një superaksion në të gjitha rajonet e vendit dhe kanë ndaluar rreth 176 femra, ndër to, 115 nga Shqipëria. Këto shtetase janë ndaluar pasi nuk kanë leje qëndrimi apo pune në Kosovë.
5 persona kanë përfunduar në pranga pasi I janë gjetur armë me vete si dhe kanë penguar zyrtarët në ushtrimin e detyrës.
Kryesisht në të gjitha lokacionet ku janë ushtruar kontrolle policore janë legjitimuar edhe (176) femra, nën dyshimin e mungesës së dokumentacionit të punës, ku prej tyre ;
Shtetase të Shqipërisë ——-115
Shtetase të Malit të Zi ——-1
Shtetase e Moldavisë ——–1
Shtetase e Bullgarisë ——–1
Shtetase të RKS-së ——— 58
Të gjitha shtetaset e huaja në mungesë të paraqitjes së lejes së punës dhe qëndrimit, do të trajtohen nga Drejtoria e Migrimit e PK-së, e cila është në proces të administrimit të lendeve në fjalë.
Ndërsa në cilësi të provave materiale gjatë kontrollit të lokaleve janë sekuestruar;
Një (1) armë TT me (8) copë municion përkatës,
Dy (2) shufra,
Një (1) sprej,
Një (1) boks i hekurit,
Një (1) thikë ushtarake.
Ky operacion i gjerë policor është realizuar në bashkëpunim dhe koordinim edhe me Prokurorët kompetent, ATK-në, Inspektoratin e Punës dhe Inspektoratin Sanitar të niveleve lokale.
