Policia italiane ekzekutoi mandatarrestet për të paktën 40 persona të dyshuar si pjesëtarë të mafias kalabreze Ndrangheta. Arrestimet u kryen në Kalabri, Romë, Lacio dhe në rajonet veriore përfshirë Ligurian dhe Piemonten.
Hetuesit dyshojnë edhe se një numër politikanësh dhe zyrtarësh të sistemit të taksave kanë kontakte me personat e arrestuar, aktivitetet ilegale të të cilëve kryheshin në veri të vendit. Dyshohet se personat e arrestuar kanë lidhje me klanet mafioze Raso-Gullace-Albanese dhe Parrello-Gagliostro.
Janë konfiskuar gjithashtu prona, kompani dhe llogari bankare me vlerë rreth 40 milionë euro. Klanet mafioze dyshohet se ishin përfshirë në kontratat për ndërtimin e një linje hekurudhore të shpejtësisë së lartë Gjenovë-Milano, me vlerë 6,2 miliardë euro.
ma.me
