Një 13-vjeçar është plagosur si pasojë e përplasjes me një furgon dhe ndodhet në spital në rrezik për jetën. Policia e ka mbajtur të fshehtë ngjarjen duke mos e bërë publike për mediat.
Policia ka referuar materialet në prokurori duke theksuar se 13-vjeçari me inicialet S.T. nga fshati Gjocaj në momentin që po kalonte trotuarin është penguar dhe në momentin që është rrëzuar është përplasur me një furgon që ishte i ndaluar.
Furgoni me targa 164 TR i përket Jani Canjas 51-vjeç nga Peqini me precedent penal, pasi disa kohë më parë ka aksidentuar një person për vdekje.
Fëmija pësoi disa dëmtime në kokë dhe u dërgua në spital, ndërsa shoferi, po sipas asaj që policia ka referuar në prokurori bëri testin e alkoolit dhe rezultoi negativ dhe po hetohet në gjendje të lirë.
Por në redaksinë e Shqiptarja.com ka ardhur një denoncim duke sjellë një tjetër version të ngjarjes. Sipas denoncimit, policia e ka mbajtur të fshehtë ngjarjen për mediat sepse shoferi ka lidhje me shefin e rendit. Tashmë i mbetet prokurorisë për të zbardhur ngjarjen.(Shqiptarja.com)/l.m
