Qëndresa Qytetare ka shprehur shqetësimin për aksionin e Policisë në godinën e televizonit News 24, si edhe mediave Ballkanweb, Gazeta Shqiptare dhe Gazeta Panorama.
Qëndresa Qytetare thekson se gazetarët po pengohen të futen në vendin e punës, duke shtuar se është një akt i denjë për vendet autoratike.
Qëndresa Qytetare u solidarizua me stafin e News 24 dhe ftoi qytetarët shqiptarë të reagojnë në mbrojtje të një media që i shërben interesit publik.
Reagimi i Qëndresa Qytetare:
Qëndresa Qytetare shpreh shqetësimin më të thellë për aksionin e Policisë në godinën e televizonit News 24 dhe mediave partnere Ballkanweb, Gazeta Shqiptare dhe Gazeta Panorama.
Gazetarët po pengohen të futen në vendin e punës dhe ky është një akt i denjë për vendet autoratike.
Ky aksion është i papranueshëm sa kohë në këtë vend sipërmarrjet e sekuestruara të grupeve të strukturuara kriminale të trafikut ndërkombëtarë të drogës operojnë lirisht pa u penguar nga institucionet.
Qëndresa Qytetare kërkon që ky aksion së pari të ketë transparencë për shkak se në lojë është fati i një ndër mediave informative më të rëndësishme në vend, aq më tepër në një kohë kur liria e medias ka pësuar regres të ndjeshëm.
Qëndresa Qytetare solidarizohet me stafin e News 24 dhe fton qytetarët shqiptarë të reagojnë në mbrojtje të një media që i shërben interesit publik.
Një vend që cënon lirinë e medias është gati të bëjë kurban lirinë e qytetarit.
“Akt i pastër terrori ndaj medias së lirë, ndaj medias së pavarur. Mbyllja e një medie për të hapur në vend të saj një fabrikë armësh është fytyra e vërtetë e këtij regjimi që ka mbyllur 4 televizione, tregon një regres të rrezikshëm për lirinë e medias dhe alarm për të gjithë shqiptarët. Ardhja jonë këtu duhet të jetë një ftesë për reagim të forte të të gjithë qytetarëve sepse ky regjim do të mbërrijë në derën e cdo shqiptari që e kundërshton atë dhe nuk pajtohen me politikat e tij repressive.
Opozita e ka paraajmëruar prej kohësh pasojat e këtij regjimi represiv. Sot po shohim se si në një institucion të fjalës së lirë po hidhen themelet e një regjimi.
Aksioni nisi ndaj pronave të qytetarëve dhe tani tek media e lirë”, tha Blushi.
