Policia e Kosovës ka zhvilluar gjatë ditës së sotme një aksion masiv të shtrirë në të gjithë Kosovën.
Bëhet me dije se aksioni është zhvilluar nga Departamenti i Krimit Ekonomik me qëllimin kundër korrupsionit dhe krimit të organizuar.
Edhe zëdhënësi i Policisë së Kosovës, Daut Hoxha, ka vërtetuar se aksioni i Policisë është bërë edhe në Ministrinë e Infrastrukturës, pasi sipas informacioneve aksioni ka lidhje me problematikën e patentave të shoferëve.
Sipas zëdhënësit të policisë, nga aksioni janë arrestuar së paku 10 zyrtarë.
Mësohet se aksioni i Policisë së Kosovës ka ardhur vetëm një ditë pasi u përurua testimi elektronik ‘e-testimi’ për provimin e patentës së shoferit, i cili u përurua nga vetë ministri i Infrastrukturës nga radhët e AAK-së, Pal Lekaj./l.m
