Lëvizja Socialiste për Integrim ka humbur betejën në shkallët e gjyqësorit kundër kryeministrit Edi Rama.
Kjo forcë ka kërkuar hetimin e shefit të qeverisë mbi deklaratën e dhënë gjatë fushatës së vitit të shkuar kur në një takim elektoral ai u bëri thirrje policëve të jenë pjesë e fushatës.
Më pas Rama kërkoi ndjesë për deklaratën. Prokuroria e mbylli çështjen pas padisë ndërkohë LSI ankimoi në Gjykatën e Beratit, rreth ku edhe Rama dha deklaratën.
Gjykata vendosi pushimin e çështjes në seancën e mbajtur sot.
Pas vendimit, përfaqësuesi ligjor i LSI Ylli Manjani deklaroi se “drejtësia është në dorë të kryeministrit”.
“Drejtësia kokëulur para kryeministrit. Ky kryeministër përbën rrezik për zgjedhjet e lira dhe të ndershme në Shqipëri”, tha Manjani./a.m.
