Një plagosje aksidentale ka ndodhur ditën e djeshme në Përmet. Nipi i mitur ka plagosur aksidentalisht dajën e tij me armë sportive. Ngjarja ka ndodhur rreth orës 14:30 të ditës së djeshme.
I mituri R. U., duke luajtur në oborrin e banesës, dyshohet se aksidentalisht ka goditur në shpatull me armë sportive dajën e tij shtetasin Nj. L., 28 vjeç, banues në Përmet. Daja i të miturit ndodhet në spital jashtë rrezikut për jetën.
NJOFTIMI I POLICISË:
Rreth orës 14:30, datë 31.08.2021, në Përmet, shtetasi i mitur R. U., duke luajtur në oborrin e banesës, dyshohet se aksidentalisht ka goditur në shpatull me armë sportive (dajën e tij) shtetasin Nj. L., 28 vjeç, banues në Përmet, i cili ndodhet në Spitalin Gjirokastër, jashtë rrezikut për jetën.Grupi hetimor sekuestroi në cilësinë e provës materiale armën sportive.Gjithashtu specialistët e Seksionit të Hetimit të Krimeve në Komisariatin e Policisë Përmet referuan materialet në Prokurorinë pranë Gjykatës së Shkallës së Parë Përmet dhe për shtetasin B. A., 38 vjeç, banues në Përmet, i cili dispononte armën sportive pa lejen përkatëse.
g.kosovari
