Edhe Kosova me probleme me operatoret private.
Bordi i Komisionit të Pavarur për Media sot ka raportuar para Komisionit për Administratë Publike për vitin 2017, ku u tha se KPM nuk ka pasur shumë aktivitete, por megjithatë, janë bërë punë të rëndësishme për procesin e digjitalizimit.
Kryetari komisionit për Administratë Pulike, Nait Hasani, ka thënë se KPM-ja ka për obligim ta bëjë edukimin medial në kuptimin pozitiv dhe jo të merret vetëm me gjoba për fushata zgjedhore.
“Vetëm pesë kanale kanë licencë, 50 të tjerë janë ilegalë që operojnë në Kosovë. Cilat janë masat që janë marrë? Ju jeni marrë me masat dhe gjobat vetëm për fushata zgjedhore me na penguar neve në zgjedhje, do të thotë asnjë veprim tjetër nuk e keni marrë.
Asnjë herë nuk është rregulluar kjo çështja e IPTV-ve”, ka thënë Hasani. Ndërsa, deputetët të tjerë ngritën çështjet e zhvillimit të RTK-së në aspektin e kanaleve dhe shërbimeve, përgatiti Koha. (b.an)
