Sampdoria ka njoftuar të premten se katër lojtarë të tjerë dhe mjeku i klubit të futbollit kanë rezultuar pozitivë ndaj koronavirusit.
Klubi italian bëri teste pasi sulmuesi Manolo Gabbiadini rezultoi pozitiv për koronavirus ditën e enjte.
Të infektuarit e tjerë janë Omar Colley, Albin Ekdal, Antonino La Gumina dhe Morten Thorsby, së bashku me mjekun Amedeo Baldari.
Është konfirmuar se futbollistët e Serisë A dhe mjeku janë vetëkarantinuar në shtëpitë e tyre.
Fusha e trajnimit të Sampdorias dhe zyrat janë mbyllur, pasi e gjithë Italia është zonë e kuqe prej koronavirusit që deri tani ka marrë jetën e 1266 personave
Ndërkohë Koronavirusi ka bërë të prekurin e radhës në Serie A dhe këtë herë flitet për serbin e Fiorentinas, Dusan Vlahovic, që rezultoi pozitiv te tampon i bërë. Për momentin, futbollisti ndodhet në shtëpinë e tij dhe nuk ka shfaqur asnjë simptomë të COVID-19 sepse është asimptomatik, pra që nuk jepte shenja të virusit, ashtu si Rugani.
g.kosovari
