Panik në një lokal në kryeqytet. Të shtëna me armë janë regjistruar sot prapa ish-Ekspozitës, ku për pasojë u plagos një person. Ngjarja ka ndodhur paraditen e sotme në verandën e një lokali, në rrugën “Nikolla Jorgo”. Burime zyrtare nga policia e Tiranes bënë me dije për ‘BalkanWeb’ se i plagosur dyshohet se ka mbetur shtetasi Andi Mustafaraj, 29 vjeç.
Te njejtat burime theksuan se i riu është transportuar me urgjencë drejt spitalit nga një automjet i rastit. Mësohet se 29-vjeçari ndodhet në gjendje kritike për jetën, në reanimacion në spitalin e Traumës.
Nga dëshmitë që vijnë nga vendngjarja, bëhet e ditur se ka pasur 3 të shtëna me armë, ndërsa i plagosuri ka marrë plumba në shpatull dhe krah. Sapo u njoftuan për ngjarjen, forca të shumta policie mbërritën në vendin e ngjarjes, ndërsa kanë ngritur edhe postblloqe për kapjen e autorit.
NJOFTIMI I POLICISE
Më datë 28.10.2016, rreth orës 12:40, në rrugën “Nikolla Jorgo”, tek lokal “Merlin Monroe”, ka patur një konfikt ku me pas ka çuar në plagosjen me armë zjarri, të shtetasit A.M 29 vjeç.
I demtuari eshte derguar per mjekim te menjehershem ne spitalin e Traumës Tiranë. Shërbimet e Policisë kanë shkuar menjëherë në vendin e ngjarjes dhe grupi hetimor po punon për identifikimin e autorit.
bw/d.i.
