Pianisti i vogël shqiptar Orenc Graca ka sfiduar rreth 900 konkurrentë dhe “ka rrëmbyer” më 14 maj Çmimin e Parë Absolut në konkursin ‘Citta di Palmanova’ që u zhvillua në Teatrin Gustavo Modena, të Palmanovas, pranë Triestes në Itali.
Pianisti Orenc Graca, është vetëm 12 vjeç, por djaloshi nga Elbasani mban mbi shpatullat e tij të brishta mbi 12 çmime të para absolute kombëtare e ndërkombëtare në Festivalet e Konkurset pianistike të zhvilluara në Shqipëri, Kosovë, Greqi, Itali, Belgjikë e Austri.
Listës së trofeve i është shtuar edhe çmimi i fundit në Itali i “Filippo Trevisan” për moshat 5-15 vjeç që u dha për Finalistët e “Citta di Palmanuova”.
Pas shumë përvojave të suksesshme në skenë, Graca shkëlqeu dhe shfaqi merita të veçanta me interpretimet virtuoze të “Etyd” të Moshkovsky-it, të Sonatës në Re Minor të Bethoven-it, me “Vrulli”-n e Shuman-it dhe pjesës shqiptare “Humoreska” të Albert Paparistos.
Pianisti 12-vjeçar nga Elbasani Orenc Graca
Eventi u mbajt nga data 8 deri 14 Maj në Itali, ku u zhvilluan konkurset në disiplinat kanto, piano, harqe, kore e muzikë dhome. Në këtë garë morën pjese 900 muzikantë nga 5 deri 24 vjeç.
12-vjeëari Graca është nxënës i Shkollës artistike “Onufri” të Elbasanit. Talenti i tij është mbështetur nga prindërit dhe mësuesja e tij Violeta Sulkuqi ,që e drejton që nga klasa e parë.
Pianisti Orenc Graca është fitues i tre çmimeve në këtë si Çmimi i parë absolut për kategorinë C, Ëmimi i Madh “Trevisan Juong”, Çmimi për Masterclasse në Slloveni që u mbajtën 10-16 Korrik 2017 e më gjerë.
a.ç
