Soap në anglisht i thonë sapunit, por çfarë lidhjeje ka me dashuritë dhe intrigat në televizion?
Shprehja “soap opera”, e cila përdoret për serialet që shfaqin jetën sentimentale të disa protagonistëve fiks, nisi të përdorej në vitet ’20, kur radiot në SHBA transmetonin programet e para të ideuara për publikun femëror, gjatë ditës.
Audiencën e rritnin sidomos radiodramat me seri, të cilat bënin për vete dëgjueset me dashuritë, intrigat dhe ngjarjet, duke i shtyrë ato që të sintonizoheshin tek i njëjti stacion çdo ditë, ku, midis një serie e tjetrës, i shoqëronte zëri i fuqishëm i sponsorëve. Kush më tepër se kompanitë prodhuese të sapunëve mund të kishte interes për të bërë reklamën e produkteve të tyre në publikun femëror në vitet ’20?
Pikërisht kështu, sponsorët e mëdhenj të radiodramave amerikane ishin Procter & Gamble, Colgate-Palmolive dhe Lever Brothers.
Colgate-Palmolive-Peet, e specializuar në produktet për shtëpinë dhe higjienën personale, është sponsori i parë zyrtar i një seriali. Në 27 janar 1931 transmetohet në stacionin radiofonik NBC’s Blue Network seria e parë e “Clara, Lu ‘n Em”, serial që tregonte bëmat personale të tre protagonistëve.
Midis atyre që merreshin me këtë punë përhapet shprehja “soap opera”, për të treguar një program radiofonik në gjendje për të tërhequr një sponsor me të tilla karakteristika.
Nga fundi i viteve ’30, kompanitë si Procter ishin kaq të lidhura me soap operat sa që vendosën të kalonin nga sponsorizimi në prodhimin e skenarëve radiofonikë. Midis tyre është edhe seriali popullor “Guiding Light”, që më 1975 kaloi edhe në televizion, ku u transmetua pa ndërprerje deri më 2009, gjithmonë nën përkrahjen e Procter & Gamble.
Focus/d.i.
