Një 37 vjeçar nga Përrenjasi ka përfunduar në prangat e policisë pasi akuzohet se ka dhunuar fizikisht babain e tij të moshuar.
Shkëlzen Rexhepi, banues në fshatin Pishkash, u arrestua nga efektivat e policisë, pasi gjatë një konflikti për motive të dobëta në banesë dyshohet të ketë ushtruar dhunë fizike ndaj babait të tij, shtetasit D.R, 67 vjeç.
Duke mos e duruar dot dhunën, ka qenë vetë kryefamiljari ai që bëri denoncimin në polici, duke çuar në arrestimin e të birit.
Ndaj 37-vjeçarit Shkëlzen Rexhepi rëndon vepra penale “Dhuna në familje”. Materialet i kaluan Prokurorisë së Rrethit Gjyqësor Elbasan për veprime të mëtejshme.