Disa ditë pas aksidentit tragjik të ndodhur në Qerret të Kavajës ku u vranë dy fëmijë, një tjetër aksident i rëndë ka ndodhur, këtë herë në Lezhë.
Një fëmijë vetëm 3-vjeçar u plagos rëndë pas përplasjes së automjetit me të cilin udhëtonte me prindërit.
Sipas policisë, të plagosur kanë mbetur edhe prindërit e fëmijës Petrit dhe Sejdina Selimi, 30 dhe 25-vjeç.
Fëmija i çiftit u transportua në Tiranë për një trajtim më të specializuar. Policia ndërkohë vijon hetimet për zbardhjen e shkaqeve të aksidentit./a.m.
