Një tjetër incident me armë zjarri në SHBA. Katër oficerë policie janë plagosur në qytetin Kolorado Springs.
Një numër ende i panjohur civilësh mund të jenë plagosur, ka deklaruar për mediat lokale një zyrtare e policisë.
Forcat e rendit deklarojnë se autori i të shtënave, të cilat ata i cilësojnë si “breshëri aktive”, është ende në kërkim.
Ngjarja është verifikuar në një klinikë mjekësore, por ende nuk dihet nëse ka qenë ndërtesa në fjalë shënjestër e autorit.
“Zona tani është e sigurtë”, ka deklaruar zyrtarja e policisë, e cila ka shtuar se 2 nga policët e plagosur janë evakuuar, ndërsa po punohet për t’i ardhur në ndihmë të tretit.
Televizioni lokal KKTV raporton se një numër i pacaktuar por i konsiderueshëm të plagosurish po dërgohen në spitalet e qytetit, ndërkohë që gjendja e 3 oficerëve ende nuk dihet.
Forcat e policisë u kanë thënë tregtarëve dhe shitësve në zonën përreth që të qëndrojnë të mbyllur deri në një urdhër të dytë.
Për momentin autoritetet nuk munden gjithashtu të thonë nëse bëhet fjalë për një sulm terrorist, i ngjashëm me ato të Parisit, apo nëse ka qenë një sulm individual.
/ Top Channel
