PD po shkatërrohet pas vendimit të Lulzim Bashës për të përjashtuar nga PD liderin historik Sali Berisha. Kështu tha deputeti i PD Flamur Noka në emisionin “5 pyetje nga Babaramo” në Report TV, ndërsa ka zbardhur edhe debatet që ka bërë me Bashën sot në mbledhjen e grupit parlamentar të PD.
Flamur Noka
PD po shkatërrohet pas vendimit të Lulzim Bashës për të përjashtuar nga PD liderin historik Sali Berisha. Kështu tha deputeti i PD Flamur Noka në emisionin “5 pyetje nga Babaramo” në Report TV, ndërsa ka zbardhur edhe debatet që ka bërë me Bashën sot në mbledhjen e grupit parlamentar të PD.
“Ka qenë një mbledhje e gjatë e kryesisë së grupit parlamentar dhe se 90% të kohës ky ka qenë debati. E kishim lënë që tematikat e debatit të mos bëhen publike dhe ramë dakord të dyja palët. Sdoja që të gjitha debatet të dilnin. Por kur marr vesh se kanë dalë debatet thjesht për të treguar që u fituadebati nga kryetari. Debati u zhvillua mbi poarime mbi principe të një debati të shëndoshë për të shpëtuar PD e cila është buzë varrit prej Bashës. I shqetësuar nga fati i PD ku kam 32 vite që aderoj sigurisht që e bëra këtë diskutim në mbledhje sepse më dhemb shumë Pd fati i saj dhe ndihem keq kur e shoh që jo armiqtë e saj por kryetari i i saj i ka dhënë shkelmin e rrokullimën Pd.
Ky ishte principi i debatit dhe kërkova që të rregullohet. E vetmja mënyrë për ta rregulluar është vetëm çuarja e vendimarrjes në bazë, kjo është e thjeshtë. Berisha ka kërkuar të vendosë anëtarësia, ai ka thënë se ikën direkt nëse vendos anëtarësia që ai të ikë. Kështu shmanget përçarja në parti. Është vendimi më i rëndë i bashës dhe i paprecedentë, jo më i vështirë”.
Basha thirri sot Kryesinë e Grupit Parlamentar për të diskutuar mbi aksionin e opozitës në Kuvend, por ishte Flamur Noka ai i cili me tone të ashpra tha se çështja më kryesore që ka PD-ja për të zgjidhur është përjashtimi i Berishës. Noka thotë se i ka tëhën Bashës se partia është më e përçarë se kurrë nga vetë ai.
“Debatet që kam bërë me kryetarin sdua ti përcjell në media. Por kur kanë rrjedhur në media këto nga zyra e kryetarit atëherë detyrohem unë të them të vërtetën. I kam thënë Bashës se partia është më e përçarë se kurrë. Anëtarësinë e ke përçarë i thashë. A e mbani mend që Berisha thoshte se zëri i çdo qytetari të dëgjohet, ne kërkojmë që vendimi i çdo anëtari të dëgjohet. Partia po shkatërrohet pas këtij vendimi. Partia ka nevojë të bashkohet”, tha Noka, pasi u pyet për diskutimet me Bashën në mbloedhje.
