Tre persona janë plagosur nga një aksident që ka ndodhur pasditen e sotme në aksin Fushë Krujë –Milot në fshatin Luz.
Dy makina, njëra ‘Benz’ me targa shqiptare AA 583 BP dhe tjetra fuoristradë me targa italiane janë përplasur rreth orës 18:30, ndërsa tre personat, mes tyre dy vajza, që ndodheshin në të dy makinat u plagosën.
Njëri nga të plagosurit u dërgua në spitalin Ushtarak, pasi ka dëmtime më të rënda, ndërsa dy të tjerët janë jashtë rrezikut.
Ndërkohë që ditën e sotme janë shënuar disa aksidente nga Librazhdi në Fier dhe pasdite në Fushë Krujë. Bilanci i muajve të fundit ka qenë tragjik, pasi në 7 muaj sipas INSTAT kanë humbur jetën 120 persona, ndërsa shumë janë plagosur.
