Një person ka gjetur vdekjen si pasojë e një aksidenti të ndodhur në aksin rrugor Lushnje-Fier.
Rreth orës 13:45 të kësaj të hëne, në afërsi të vendit të quajtur “Pushimi i shoferit”, automjeti tip “Reno” me drejtues shtetasin A.D., banues në Tiranë, ka përplasur një person i cili udhëtonte me biçikletë.
Si pasojë e dëmtimeve të marra ka ndërruar jetë në spitalin e Lushnjes drejtuesi i biçikletës.
Nga ana e policisë është shoqëruar në komisariat drejtuesi i automjetit tip “Reno”. shtetasi A.D.
Lidhur me këtë ngjarje grupi hetimor po punon për identifikimin e viktimës dhe zbardhjen e plotë të rrethanave të aksidentit.
/a.r
