Një person ka humbur jetën si pasojë e një aksidenti të rëndë rrugor të ndodhur mesditën e sotme.
Në aksin rrugor Elbasan- Peqin, në fshatin Gjocaj, shtetasi E.Z., banues në Fier, duke drejtuar mjetin tip “Benz”, është përplasur me motoçikletën me drejtues 77-vjeçarin Xhelal Toli, banues në fshatin Gjocaj, Peqin.
Si pasojë e aksidentit është plagosur dhe ka ndërruar jetë drejtuesi i motoçikletës.
Gjithashtu një aksident me pasojë vdekjen është shënuar edhe në aksin rrugor Shkodër-Hani Hotit.
Një makinë e drejtuar nga Emirjan Delaj rreth 30 vjeç, ka dalë nga rruga duke bërë që të gjejë vdekjen pasagjerja në mjet, bashkëshortja e tij Hatixhe Delaj, rreth 27 vjeçe.
Krahas viktimës, në gjendje të rëndë ndodhet edhe bashkëshorti i saj, drejtuesi i mjetit.
Dy bashkëshortët, udhëtonin me të njëjtin mjet, ku humbja e kontrollit të mjetit nga i riu shkaktoi aksidentin.
Nga ana e uniformave blu hetimet janë në vijim, për të zbuluar më shumë mbi shkaqet e përplasjes.
/a.r
