Zjarr ka përshirë fushën e mbetjeve në Lushnjë, ndërsa djegia e mbetjeve prej orësh, ka shkaktuar emergjencë mjedisore. Tymi i zi dhe era e keqe kanë ‘pushtuar’ zonën, ku më e prekur është lagja ’18 Tetori’ e qytetit.
Qytetarët shprehen se tymi i përhapur është mbytës dhe se nuk mbajnë dot hapur dritaret e shtëpive. Zjarri ka rënë që nga ora 02:00e mëngjesit, ndërsa në terren zjarrfikësit po punojnë prej 7 orësh për shuarjen e flakëve.
Në fushën e mbetjeve në Lushnjë, mbetjet depozitohen prej 40 vitesh, ndërsa shtëpitë që shihen edh enë pamje, janë të ndërtuara në vitet ’90 dhe janë në proces legalizimi.
/b.h
